നാടന് പാട്ടുകള്

നാടന് പാട്ടുകളെല്ലാം തന്നെ അജ്ഞാത കര്തൃതങ്ങളാണ്.ഇവ രചിച്ചവര് ഭാഷാപണ്ഡിതന്മാരൊന്നുമായിരുന്നില്ല. തങ്ങള്ക്ക് പറയേണ്ടുന്ന കാര്യങ്ങള് വികാരതരളിതമായ ഭാഷയില് അവര് പറഞ്ഞുവച്ചു. ആ ഗാനങ്ങള് മറ്റുള്ളവര് കേട്ടു. അവര് അത് അടുത്ത തലമുറയ്ക്ക് പകര്ന്നുകൊടുത്തു. സാധാരണ ജനങ്ങളുടെ ഹൃദയസ്പന്ദനങ്ങള് ഉള്ക്കൊള്ളുന്ന ഇത്തരം പാട്ടുകളെല്ലാം തന്നെ തലമുറകളില് നിന്നും തലമൂറകളിലേക്ക് കൈമാറി വന്നവയാണ്.
വളരെ ലളിതമായ രീതിയില് പ്രാദേശികമായ ഭാഷയില് അജ്ഞാതരായ കവികള് തങ്ങളുടെ വികാരവിചാരങ്ങളെ വാമൊഴിയായി കോറിയിടുകയായിരുന്നു. ഇന്നും കേരളത്തിന്റെ ഉള്നാടന് ഗ്രാമങ്ങളില് ഇവ ജനങ്ങള് പാടുകയും കൈമാറുകയും ചെയ്യുന്നുണ്ട്. മലയാള ഭാഷയുടെ രൂപകല്പനയിലും നാടന് പാട്ടുകള്ക്കുള്ള സ്ഥാനം അതിബൃഹത്താണ്.